РЭЛІГІЙНАЕ АБ’ЯДНАННЕ
ХРЫСЦІЯН ВЕРЫ ЕВАНГЕЛЬСКАЙ

Убачыць Хрыста

Убачыць ХрыстаЯк часта нашаму слыху ліслівіць фраза: "Усяго дамогся сам!" У сучасным свеце людзі імкнуцца ўсімі сіламі здабыць незалежнасць, стаць на прыступку вышэй за "шэрую масу". З аднаго боку, гэта добра, калі людзі працавітыя і шмат працуюць як па жыцці, так і над сабою, для таго, каб нешта мець. А з другога, становіцца вельмі сумна, што пастаянная надзея толькі на свае сілы становіцца перашкодай для сустрэчы з Вялікім Богам. Не рэдка сустракаецца меркаванне, нібы веру ў Бога прыдумалі тыя, хто ні на што ў гэтым жыцці не здольны. Ім прасцей сядзець і чакаць "падарунак з неба". Што ж, кожнае меркаванне мае права на існаванне. Толькі вельмі хочацца спытаць: "На што будзе ваша надзея, калі ў вас забраць здароўе, грошы і вашых сваякоў?"

Мы адкрываем новае служэнне, якое называецца "Убачыць Хрыста". Мэтай гэтага служэння з’яўляецца пропаведзь евангелля, дапамога тым, хто не бачыць выхаду з сітуацыі, якая склалася, а таксама напамін людзям, што спазналі Госпада аб тым, што проста ведаць Яго мала, Яму трэба прысвяціць жыццё. У гэтым раздзеле мы плануем публікаваць "нявыдуманыя" гісторыі людзей, якім аднойчы пашчасціла здабыць надзею — надзею, якая ніколі не памрэ. Таксама плануем размяшчаць вершы і песні, якія з’явіліся ў выніку сустрэчы з Хрыстом.

Спадзяемся, што гэтае служэнне стане ключыкам для вашых зачыненых дзвярэй!

Убачыць ХрыстаWWW.РАТАВАННЕ.БОГ
Як завуць, колькі гадоў, адкуль родам ... інфармацыя, якую мы часцей за ўсё пытаем у незнаёмых людзей, каб скласці самае абагульненае ўяўленне пра іх. Але ж за гэтым невялікім наборам анкетных звестак хаваецца цэлае жыццё з эмоцыямі і падзеямі, якія яго напаўняюць. Прапануем вашай увазе першую гісторыю.
Убачыць ХрыстаРАТАВАЦЬ НЕЛЬГА ГУБІЦЬ
Наша новае служэнне «Убачыць Хрыста» не стаіць на месцы. Прапануем вашай увазе наступную гісторыю пад назвай «РАТАВАЦЬ НЕЛЬГА ГУБІЦЬ». Коскі ў гэтай назве і ўласна ў жыцці гэтага чалавека ставіліся ў залежнасці ад суадносін сіл: Бога і наркотыкаў. Гэтая гісторыя пра маладога хлопца, які павінен быў памерці, але ён жыве, павінен быў сядзець у турме, але ён вольны, павінен быў загінуць, але ён ВЫРАТАВАЎСЯ.
Убачыць ХрыстаНЕ ЎВАЖАЮЧЫ, ШТО ДАСЯГНУЎ
Малады брацік выйшаў за кафедру і, дрыготкай рукой трымаючы мікрафон, пачаў распавядаць гісторыю свайго жыцця, жыцця, у якім дзіцячыя радасці засланяюцца дарослымі праблемамі, а жаданне жыць і развівацца натыкаецца на ўнутранае "Я", якое паўтарае: «Ты нічога не зможаш !!! » Лічу неабходным падзяліцца гэтай гісторыяй жыцця Віктара Семяновіча, запісанай з яго слоў, і веру, што яна дапаможа паглядзець праўдзе ў вочы тым, хто спрабуе апраўдаць сваё бяздзеянне.

Калі ў Вас ёсць свая гісторыя, звяжыцеся з намі!

Эльвіра Лянкевіч